December 15, 2018

ኤርትራ፣ ምድሪ ባሕሪ
ካልኣይ ክፋል
ኣልማማዊ ቝጠዐ
ቀዳማይ ምዕራፍ፣
ምብ’ ርባር

ደራሲ – ኣልኣሚን መሓመድ ስዒድ
(5)

ኤርትራውያን ብሓፈሻ፣ ኣባላት ማሕበር ሰራሕተኛታት ኤርትራ ከኣ ብፍላይ: ግፍዕታት መንግስቲ ኣስፋሃ ወልደሚካኤል ከይዓጀቦም: መሰላቶም ንምርግጋጽን ንምዕታርን: ኣብ 1958 ሰላማውን ፖለቲካውን ሰልፍታቶም ኣበርተዑን ኣዛየዱን። ክልተኡም ኣዕሩኽ: እድሪስን ዑመር የመኒን: ምስ’ቶም ካብ ኤርትራ ነብሶም ንምድሓን ዝሃድሙ ዝነበሩ ኤርትራውያን እናተራኸቡ: ኣፍልጦኦም ብዛዕባ ኣብ ኤርትራ ዘሎ ኩነታት፣ ከዕብዩ ይጽዕሩ ነበሩ። መዓልቲ-መዓልቲ: ብፍላይ ጸሓይ ኣብ እትዝሕለሉ እዋን: ሻሂን ቡንን እናሰተዩ: ኣብ እንዳ ሻሂ ኣቶ ማሕጁብ ኣልጃዓሊ ኮይኖም ብዛዕባ ህሉው ኩነታት ሃገሮምን ሱዳንን እናኣልዓሉን እናተመያየጡን ግዜኦም የሕልፉ ነበሩ። ሓንቲ ምሸት: ከም ቀደሞም ኣብ’ታ እንዳ ኣልጃዓሊ ቤት-ሻሂ ኮፍ ኢሎም ከለዉ ዑመር የመኒ:-“ኣብ ሃገርና ዘሎ ኩነታት ካልእ መልክዕ ክወስድ ጀሚሩ’ሎ።” “እንታይ ሓድሽ ተረኽበ? ዘይፈለጥናዮ ኣሎ ድዩ?።” እድሪስ ብተገዳስነት ሓተተ።“ቅድሚ ሳልስቲ: ገለ ካብ ዓድና ዝመጹ ስድራቤ-ታት: ኣብ ከባቢ ገዛውትና ወሪዶም ከም ዘለዉ: ምስ ሰማዕኩ: ናብ’ቲ ዝነበርዎ ከይደ፣ ኩነታቶም ክፈልጥን ክሕግዝን ተበገስኩ። ከም ኤርትራዊ መጠን: ዓቕሚ ይሃልዎም ኣይሃልዎም: ክንሕግዝ ግቡእ እዩ።” መለሰ ዑመር

Latest Articles

توافق في إرتريا وضغوط من واشنطن

ብርሃን .. ምርድዳእ ኣብ ኤርትራ ጸቅጢ ካብ ኣሜሪካ

كلمة الرئيس اسياس افورقي في يوم الشهداء 20 يونيو 2019