August 28, 2021
እት ማርስ 2021 ሰክርቴር ሕስር ካርጅ አሜሪከ
ወወዚር ካርጅ ኤረትርየ እት ሕድ ለነድአዎ ለኣይክ
ልእከት ዲፕሎማስየት ዕልብ 216/21 ቃእድ ሀይአት አርካን ቅዋት ድፈዕ ኤረትርየ ጀነራል ፍሊጶስ ወልዴየውሀንስ ዲብ አቶብየ ምስለ ሀሌት ሓለት ሐርብ እበ ልትጻበጥ ሕቁቅ ወድ አዳም ናይለ ኬደ ቅዋት ድፈዕ ኤረትርየ ማርሓይ ረስሚ ምን ገብአ፡ አንፋሩ እበ ነስአወ ኪደት ሕቁቅ አዳም፡ አሜሪከ ዮም እብ ዐለቦት ምፍጋር 10፡30 አዳሕየት እት ሐንቴ አዋጅ “ግሎባል ማግኒትስኪ” መስኡልየት ሕቁቅ አዳም ክም ሐመለቱ፡ ሰፋረት አሜሪከ እግል ውዛረት ካርጅየት ኤረትርየ እብ ሕሽመት ተአትአምር። ሰፋረቱ እንዴ ወከለ ምስል ወዚር ዑስማን ሳልሕ አው ብዕድ ረስሚ በዐል ሰልጠት ናይለ ውዛረት እግል ልትዋጀህ ዋጃብ እግል ልጽበጥ ወጠነ። ውዛረት ካርጅየት ምን ኢሰምሐት፡ ዕላቀት ክልኢተን ለድወል እበ ተአስትህል መንፈስ መፋሀመት ሕበር እንዴ ሐድረ፡ ልእከቱ እግል ለአብጼሕ ወአስእለት እግል ልብለስ በክት ኢረክበ። ቅዋት ድፈዕ ኤረትርየ እብ ቀትል፡ ዘማቴ ወቃጫፍ መስኡልየት ረፌዕ። አንፋር ቅዋት ድፈዕ ኤረትርየ አንሳት ቃጨፈው፡ ሸዐብ መሳልም ዐዘበው፡ መምተልካት ደመረው፡ መአሰሳት ዘምተው ወአክረበው። ቅዋት
