September 23, 2013
መቕድም
ብኢሳይያስ ኣፍወርቂ
ፕረዚደንት ኤርትራ
ንብዙሓት ግዱሳት ሃገራውያንን ሓርበኛታትን፣ እናጸንሐ ዚመጽእን ዚኸይድን፤ ብቐጻሊ ዘሰክፍን ዘየቕስንን ጒዳይ ኣሎ፣፣ ‘’እቲ ታሪኽ’ቲ…..እቲ ዂሉ ተወፋይነት…..እቲ ዂሉ ቕያን ጅግንነትን፣…..እቲ ዂሉ ብልሕን መሃዝነትን፣….. እቲ ዂሉ ጽሬት ልብን ኣተሓሳስባን፣…..እቲ ዂሉ ድኻምን ዓቕልን ተጻዋርነትንሲ…..ብላሽ ኪሓልፍ፣….. ከም ዘይነበረን ከም ዘይተገብረን ሃሲሱ ኺተርፍ፣…..እቶም ነቲ ዂሉ ቕያቲ ሰሪሖም ዝተሰውኡኸ ከም ማንም ኪርስዑ፣…..’’ ዚብል ቅሳነት ዚህውኽ ሕልናውን ሓላፍነታውን ስክፍታ፣፣ እዋን እናሓለፈ፤ ዝሓለፈ እናተረሰዐን እናሃሰሰን፣ ግዜ እናጸበበ ብዝኸደ መጠን ከኣ፤ መጠን ናይ’ቲ ስክፍታ ይዛይድ፣፣
