June 11, 2024
ቃለ-መሕትት ምስ
ፕረዚደንት ኢሳይያስ ኣፈወርቂ
ክቡር ፕረዚደንት ኢሳይያስ ኣፈወርቂ፡ ካብ 4 ክሳብ 5 ሰነ ኣብ ደቡብ ኮርያ ኣብ ዝተኻየደ ዋዕላ ኣፍሪቃ-ደቡብ ኮርያ ምስታፉ – ብማዕከናት ዜና ተሓቢሩ እዩ። ኣብ’ቲ ዋዕላ ብዛዕባ ዝተላዕለ ነጥብታትን ምስኡ ዝተሓሓዝ ካልእ ጉዳያትን፡ ኣብ’ቲ ቦታ ንዝርከብ ጋዜጠኛ ሱለማን ዓበ መብርሂ ሂብዎ ነይሩ – ጽማቚ ትሕዝቶኡ እነሆ፦
ሕቶ – ክቡር ፕረዚደንት፡ ኣቐድም ኣቢሉ ዋዕላ ኣፍሪቃ-ፈረንሳ፣ ዋዕላ ኣፍሪቃ-ቻይና፣ ሩስያ፡ ሕጂ ከኣ ኣብ ደቡብ ኮርያ ተኻይዱ ኣሎ። ብዛዕባ’ዚ ዋዕላታት ናይ ኣፍሪቃ ምስ ዝተፈላለያ ሃገራት ከመይ እዩ ዝረአ?
ኣብ’ዚ – ከመይ ገይርና ነንብቦ? ብኸመይ ክንትርጉሞን ናበይ ክንጥምት ንኽእልን? ዝብሉ ሕቶታት ክመጽኡ ግድነት እዩ። ሓደ፡ እዚ ብዓለም ደረጃ ዝመጽእ ዘሎ ምቕይያራት – እዚ ሕጂ ዘለናዮ መድረኽ ብዓለም ደረጃ ክጥመት እንከሎ፡ መሰጋጋሪ መድረኽ ኢዩ ኢልና ክንዛረብ ንኽእል። ኣብ ዝሓለፈ 30
