May 25, 2023
ቃል ፕረዚደንት ኢሳይያስ ኣፈወርቂ
ኣብ ጽምብል መበል 32 ዓመት ናጽነት ኤርትራ
May 24, 2023
ዝኸበርክንን ዝኸበርኩምን
ንህዝቢ ኤርትራ ኣብ ውሽጢን ወጻኢን፣ ምስ ኩሎም ፈተውቱን ሓራ ህዝቢ ዓለምን፣ ዮሃና ንዕለተ ናጽነት 32 ነዛ ዕዝዝቲ ዕለት ንምምዕራግ፣ ኣበዮ ቦትኡ፣ ገላጺን ቀስቃሲን መሳጢን መሰናድኦታት ኣብ ምድላው፣ ኣበርክቶ ንዝገበሩ ኩሎም ከኣ፡ ልዑል ምስጋና!ዕለተ ናጽነት 2023፤ ናጽነትናን ልዑላዊነትናን ውህደትናን ዝያዳ ተዀሊዑ፤ ምረሻና ንልምዓትን ዕብየትን ጐልቢቱ ኣብ ዝኸደሉ ታሪኻዊ እዋን’ያ ትብዓል ዘላ። መጻኢ’ዚ ዓቢ ተስፋ ዝህብ ክስተት/ኩነት፤ እንታይን ብኸመይን? ዝብሉ ብድሆታት’ውን ስለዘበጋግስ፤ ናቱ ፍሉይ ተነሽጦ (excitement) ኣለዎ። እዚ ቀስቃሲ ምዕባለ’ዚ፤ ነቶም ናጽነትናን ልዑላዊነትናን ውህደትናን ልምዓትናን ራህዋናን ዘይስነቐሎም ዝጠፈሹ ተጻባእቲ፣ ዝበለየ መጻሕፍቶም እናገናጸሉ፤ ምህዞታት ተንኰል
