June 21, 2024
ቅሰኑ ሰማእታትና!
መላእ ህዝቢ ኤርትራ ኣብ ውሽጢ ሃገርን ወጻኢን፡ በዓል ናጽነቱ ብኽብ ዝበለ ድምቀትን ባህታን ጸምቢሉ፡ ወርሒ ኣብ ዘይመልእ ግዜ፡ ስለ ሰብኣዊን ሃገራዊን ክብረቱ ዝኸፈሎ ረዚን ዋጋ፡ ብልዑል ሓበን ምዝካር፡ ሃገራዊ ትእምርቱ ገይሩዎ ኣሎ። መዓልቲ ሰማእታት ሎም ዘበን፡ ኣብ ፍሉይን ዕዙዝን ታሪኻዊ መድረኽ ትዝከር ኣላ። ህዝቢ ኤርትራ፡ እምብዛ ረዚን ዋጋ ከፊሉ ዝጨበጦ ናጽነት ፋልሶ ብምግባር፡ መግዛእቲ ኣብ ዝናፍቐሉ ኣጨናቒ ኩነት ንምውዳቑ ዝዝነበ ተጻብኦታት፡ መጠኑ፡ ብማይ ኣይሂ ክምሰል ዝኽእል እዩ፦- ዞባውያን ዕሱባት ብምልኣኽን ብምዕጣቕን፡ ዝተፈነወሉ ቅሉዕ ወራራት፣ ብቁጠባ ጐረሮኡ ሓኒቕካ ንምጽዓዱ ዝተደርደረ ህድግለነ ዘይብሉ እልቢ እገዳታት፣ – ብዘይቅዱስ ከባቢያዊ ኪዳናት፡ ብዲፕሎማሲያዊ ተነጽሎ፡ ኣብ ቀዝሒ ንምድርባዩ ዝተኻየደ
