July 18, 2024
ኣቶ ዘርኣይ ተኽለኣብ
“ህዝብና ወትሩ ሞሳ ስዉኣት ስለዝዝክር፡
ስድራ ስዉኣት ክናቢ ድሉው’ዩ”
ሓፋሽ ዘንቀሎ ጉዕዞ ሓርነታዊ ቃልሲ፡ጽንኲር መድረኻት ብምስጋርን ረዚን መስዋእቲ ብምኽፋልን ናጽነት ወሊዱ። ናጽነት ህያብ ስዉኣትና እያ። ሰማእታት እንተዘይሓልፉ ኣበየናይ መዋእል ምሃለና? ኣብ መግዛእትን ኩነኔን ኣብ ምግፋዕን ጭቆናን. . .? መጻእቲ ወለዶ ናጽነት ክረኽቡ እምበኣር፡ ሰማእታት ብልዑል ጅግንነት ንመስዋእቲ ከም ጽዋእ እናተቐዳደሙን ሓሊፎም። ብረዚን መስዋእቲ ዝተረጋገጸ ናጽነት ምዕቃቡን ናብ ዝመጽኡ ወለዶ ምስግጋሩን ከኣ፡ ናይ’ዞም ተረከብቲ ሃገር ግደ። ዝኸበርኩም ኣንበብቲ ዓምዲ ‘ፍኖት’፡ ስድራ ስዉኣት ንምንባይ ብመንግስቲ ይዂን ብዜጋታት ዝግበር ዝተፈላለየ ደገፋት – መዓስ ከም ዝጀመረ፡ ኣብ ምንታይ ኩነታት ከም ዝርከብን ኣበርክቶኡን ብዝምልከት፡ ኣብ ሚኒስትሪ ዕዮን ማሕበራዊ ድሕነትን ዳይረክተር ጨንፈር ድሕነት ስድራ-ስዉኣት
