November 6, 2023
ለናይ ሰልፍ መዓርክ 60ታት
6ይ ክፈል
መሐመድ እድሪስ
ኤርትራ ሓዳስ
መዐረከት አዳል – 26 ሰብተምበር 1961 አክል-ሕድ ቀደምለ እት ጀሪደት ለፈግረ ሸሬሕ ዲብለ ዐለት ምዕል 25 ሰብተምበር 1961፡ ከረ ሓምድ ዐዋቴ እት አታሃይ ሞጎራዬብ ዐለው። እቱ ዲብ ህለው ህዬ፡ ሐቴ እብ ካፒቴን ያሲን በሺር ለትትመረሕ ቅወት ቅታል (ስትራይኪንግ ፎርስ)፡ እት ቀነብያትለ ዐድ ትሊት ክም በጽሐ ትደለ ወሐር፡ ከረ ሓምድ ሸዐብ ሑሩዱ እሎም ለዐለ አጣል እንዴ ሐድገው፡ እንጌረ ሌጠ እንዴ በልዐው፡ አስክለ እግል ልሕብዖም ወለአዳፍዖም ለቀድር ምድር ሰከው። ሐቆ ሄራር ሳዐት ህዬ፡ እት ሕግስ ደብር አዳል እተ ህሌት ዔለ ጥልያን (ባምበት) ዓረፈው። እት ምሴተ ናታዬ ለልትበሀል ዐድ አተው። ፈጅራተ እት ነታዬ እት ወደግ ዎሮ ሕብዓም እንዴ ትመየው፡ 26 ሰብተምበር አስቡሕ አስክ ክርበ ኮርቶ ጌሰው።
