July 24, 2026
ለናይ ደንጎበ መዓርክ ተሕሪር
መሐመድ እድሪስ
መዳልያይ ኤረትርየ ሓዳስ
ዲብ ሰነት 1961 ለአምበተ ንዳል ኩፈሕ መሰለሕ ሸዐብ ኤረትርየ፡ የም አለቡ ታሪካይ መራሕል፡ እት ኖስኖሶም ተእሲር ለወዱ ለትፈናተ ስያስያይ ወዐስከርያይ ተጠውራት እንዴ ተዐዳቱ፡ ሐቆ ናይ 30 ሰነት ረዪም ወመሪር ንዳል፡ ዲብ ማዮ 1991፡ እብ ለለትዐጅብ ዐስከርያይ ዐውቴ፡ እብ እስትቅላል ሸዐብ ኤረትርየ ተመ። ለዲብ ሰነት 1990-1991፡ ዲብ ጀብሃት ግንደዕ ወደቀምሐሬ ለገብአ ድቁብ ናይ መጃገረት መዓርክ፡ ህጁማት ደንከል ወቀበት አቶብየ ናይ ደንጎበ ሸፍ ጀብሀት ደቀምሐሬ መትጸባጥ አስመረ በገ፡ ጀሜዕ ፍገሪት ናይለ ቀደሙ ለዐለ ምህም ዐስከርያይ ወስያስያይ ተጠውራት ቱ። ዲብለ ሐልፈ ሰለስ ዓላብ “ቅሰስ ተጃርብ ንዳል”፡ አስክ ዐመልየት ፈንቅል ለዐለ መራሕል ሽሮሕ ዐለ። እብሊ ሰበብ፡ እሊ
