September 29, 2024
ኣህጉራዊ መዓልቲ ቱሪዝም
ዓመታዊ መልእኽቲ ሚኒስትሪ ቱሪዝም ብኣጋጣሚ ኣህጉራዊ መዓልቲ ቱሪዝም 2024 ኣብ 27 መስከረም ዝኽበር ኮይኑ፡ ቀንዲ ዕላማኡ ማሕበረ-ሰብ ዓለም፡ ብዛዕባ ማሕበረ-ቁጠባዊ ኣገዳስነት ጽላት ቱሪዝም፡ ግቡእ ርድኢት ከም ዝህልዎ ንምግባር እዩ። ዓመት መጽአ መዓልቲ ቱሪዝም ከነብዕል ከለና ንስለ በዓል ዘይኮነ፡ መደባትናን ግብራዊ ስራሕናን እንግምግመሉ ኣጋጣሚ ክኸውን ይግባእ። ብመሰረት ዝሓንጸጽናዮ ስትራጅያዊ ውጥንን መደባት ስራሕን ዛጊት እንታይ ሰሪሕና? ዝገጠመና መድረኻዊ ማሕለኻታት ኣብ ቦትኡ እናሃለወ፡ ንምብድሁን ንዝመጽእ ርሁው መጻኢን ድልውነትና ነረጋግጽ ዶ ኣለና? ወራርን ተጻብኦን መኪትና ከም ዝተዓወትና፡ ኣብ ልምዓትን ህንጸትን ብዝሓየለ
