February 19, 2024
ለናይ ሰልፍ መ ዓርክ 60ታት
18ይ ክፈል
መሐመድ እድሪስ
ኤርትራ ሓዳስ
ፊራሮ ዐስከር እንግሊዝ ድድ ሓምድ
ሲኪንጂ ብዝሓም ለዐዘበ ጃእር ወሀመት ለሀ ወለሀ ለአለቡ መክሉቅቱ። ዲብ ሃምቦክ እግል ናዝር ኣዴን ለልትበሀል እናስ ዕጉል እብ ክርባጅ ቅልጥ አበለዩ። ሰብ ንዋይ ልርዕቦ ምኑ፡ ከም እሎም እሎም አትዋዐ፡ ዲብ አሸሊ-መጎራየብመ እግል መንታይ ዐንጀ ዙቡጡቱ።” መንታይ ዐንጀ ምን ሼገ ልንእሽ ዐለ። ህቱመ ዲብ እዴ ሲኪንጂ ባርድ ሰበት ዐለ፡ አሰር ሼገ እሊ ተሌ ደግመ፦ ምዕል ሐቴ ምስል ሑዬ አተሃይ ውዕላም እንዴ ዐልነ ዲብ ነአቴ፡ ዐሊ ሲኪንጂ ምስል ዐስከሩ ዲብ አብቁል እንዴ ትጸዐነው ከብ-ከብ እት ልብሎ መጽኡ ዐለው። ቀደምዬ ሑዬ ረአዮም። ‘ሌሆም የም አለቦም ሰብ አብቁል አስክነ መጽኡ ሀለው፡ ሀየ እነ፡ ሀየ! ሀየ! እንዴ ቤሌኒ ሀርበ። አነ ላኪን እግል እምለጭ ምኖም ሰበት ኢቀደርኮ ኖሱ ሲኪንጂ እንዴ ዐሬኒ ሰላም ኢኮን ወሰኒ ውዕላም ‘ሓምድ ረኤከ?’ እንዴ ቤለ ትሰአሌኒ። ሰኣል ወሞረ ዐሊ ምስል ሰበት ገይሰ እግለ ዋረዮቱ ክም ረኤኮ ‘አሆ ረኤኮ’ እቤሉ ለዋሸዮቱ እንዴ
