August 24, 2024
መጅልስ አምን ወለዛልም ቀራራቱ ድድ ኤረትርየ
17ይ ክፈል
ካልኣይ ምዕራፍ
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
መሻክል ሶማል ወመባጥር ናይለ ወቀት ለሀይ አቶብየ፡ አሜሪከ ወኤረትርየ ዲበ ሐልፈ ቀዳማይ ክፋል፡ መበገስ፡ ጽበጥ ወኸልፍየት ናይለ ምጅልስ አምን ድድ ኤረትርየ ለሓለፈዩ ቀራር ዕልብ 1907 ወመባጥር ዳይማት አንፋር ምጅልስ አምን ለለአቀርባሁ አስባብ ወበሊስ ረኤነ። እንዴ አትሌነ ህዬ፡ እግለ ትፈናተ አስባብ ለመበገሱ መሻክል ሶማል እግል ንርኤ ቱ። መሻክል ሶማል እበ ገብአ ልግበእ ሸክል ፍንጌ “መትዐደይት ፈደራልየት ሕኩመት ሶማል” ሐረከት አሸባብ ወ“አልሙጃህዲን” ለገብእ ናይ ሰልጠት ጅግራተ እንዴ ትበሀለት እግል ትሸረሕ ኢትቀድር። ክምሰል እሊ ኖዕ ላቱ ሸሬሕ እብ እሳት ወባሮት ለለትሐዜ አዋይን
