November 2, 2024
መጅልስ አምን ወለዛልም ቀራራቱ ድድ ኤረትርየ
(28ይ ክፈል)
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
ሳልሳይ ምዕራፍ
1. ሕኩመት አቶብየ፡ ሐደስ 11 ሰብተምበር 2001 እግል አንተሀዞት እብ ገበይ ዐስከርያይ ውሕዳተ፡ ዲብ ሶማል እግለ ህለው “መርዕደት ላቶም ጀሃት” ዲብ ትብል እብ ትሉሉይ ሕዱድ መዳይን ወደገጊት ሶማል ኬደት። ክምሰለ ልትአመር፡ ርኢስ መትዐደይት ሕኩመት ሶማል ለዐለ ዐብደልቃስም ሰላድ ሐሰን ዲብ ሶማል እበአማን እርሃብ ህለ ምንገብእ፡ እግል ልጋብሁ ዱሉይ ክምቱ እኩድ ዐለ። ምናተ ሕኩመት አቶብየ እግለ መትዐደይት ሕኩመት ሶማል እግል ክሎም መትቃውመት ሶማልዪን ጀሃት ዲብ ዎሮ ወጠንያይ ስያስያይ ከጥ እግል ከምከሞት ትወድዩ
