July 10, 2024
መጅልስ አምን ወለዛልም ቀራራቱ ድድ ኤረትርየ
(10ይ ክፈል)
እብ ዶ/ር አሕመድ ሐሰን ድሕሊ
ካልኣይ፦ ምጅልስ አምን፡ እግለ ምን አሳሱ እብ ዐውቴ ገለድ (Alliance forces) ዲብ ረአስ ቅዋት ኣክሲስ (Axis forces) ለተአሰሰ፡ ሜዛን ምናስብ ድቁባት ቅዋት ናይ ሐሸሞት መስአለት (Equation) ለአዝመ ምነ መስል። እብ ፍንቱይ ሐቆ ሀጊግ ገለድ ዋርሶ ወመትፈንጣር እተሓድ ሶቬት ህዬ፡ ለዐለት ዓቅቢት ሜዛን እብ ዝያደት ሰበት ትዘለለ፡ ናይ ዌድያይ ወሔድጋይ (ሜልካይ) ደሚርቱ ለአጠወረ። እብ ሰበት እሊቱ ህዬ፡ ዲብ ረአስ ኤረትርያመ ዛልም ወሐቂቀት ለአለበ ምስዳር እንዴ ነስአ፡ እግል አርወሐተ ወስያደተ እግል ትዳፌዕ ለለአቀድረ ስለሕ ምን መትዛባይ ማንዐ ለዐለ። ምናተ፡ ኤረትርየ ስለሕ እግል ትዛቤ፡ ሚሳቅ መነዘመት ምጅልስ ቅራን ለሰምሑ ሐቅ ምን ሕቁቃ ቱ።
