February 5, 2024
ለናይ ሰልፍ መዓርክ 60ታት
(16ይ ክፋል)
መሐመድ እድሪስ
ኤርትራ ሓዳስ
እጅትመዕ ዴሽ ሱዳን ለዐለው ወእድሪስ
እተ ዋጃቡ ዲብ ቀበት 12 ምዕል እት ከሰለ ጠበሽ ቤለዮም። እድሪስ ሚ ክም ለአመጽእ እሎም እግል ልርአው ንሁፋም ለጸንሐው ዴሽ ሱዳን ለዐለው ለትሐይስ እሎም እንዴ ትጋመው፡ እግል ከሺነት እንዴ ተሐሰበት ለትሸቄት ወላብሰት ለይዐለት፡ ቤት ሐዳስ ቤት ሽሂድ መሐመድ እድሪስ ሓጅ ዲበ እጅትመዕ ወደው። መትጸብረት፡ “መርሐበ፡ ሚ አምጸአከ እግልነ፧” ቤለዉ እግል እድሪስ። “350 ጅኔ ወሐቴ ሚኒኮሎ፡” “ብዕድ ወለሐበትመ!” “ከላስ እለን ሌጠ፡” “ኣቤ፡ ህተን ሌጠ።” ለዶል ለሀ እት ኩለ ደውለት መናዱቅ ክም ምራድከ ልትረከብ ሰበት ይዐለ፡ እተ ዶሎም ምነ ሰላዲ እግል እብራሂም ዳውድ ሐምስ ጀኒ እግል ሴፋሁ ሀበዉ ምነ። “እንተ ጋሽ ሰበት ተአምሩ፡ ምስል ሰብ ወልቃይት ህዬ አምር ሰኒ ሰበት ብከ፡ ሼኽ እንዴ
