መጅልስ አምን ወለዛልም ቀራራቱ ድድ ኤረትርየ
(14ይ ክፈል)

እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ

መባጥር ቻይነ ዲብ ቀደም እሊ ለተሌ ሐቃይቅ ወእስባታት እግል ልስመድ ለቀድር ኢኮን።
ቀዳማይ፦ ኤረትርየ ቀደም ቻይነ ወብዕዳት ድወል እዲነ፡ ስያደት ወሰላም ሶማል እግል ልትሐሸም እብ ትሉሉይ ዲብ ጠልብ ጸንሐት። እግል መሰል ሐቆ ሕርየተ 1991 እግል መሻክል ሶማል እብ ዶሉ እግል አርሀዮት እብ ስክርቴር ዕላቀት ካርጅየት ሽሂድ መሐመድስዒድ ባርህ ለልትመረሕ ወቁል ወፍድ አስክ ሶማል ነድአት። ምነ ወክድ ለሀይ እንዴ አስተብዴት ህዬ፡ ክሎም ጀሃት ሶማል ምን ብዕድ አፍካር እንዴ ሬመው እግል መሳልሕ ዐዶም እግል ልሽቀው ዲብ ስድየቶም ናይ ስያሰት ወዲብሎማስየት ሰዳይት ወጸገም ዲብ ገብእ ጸንሐ።

download